Երևան`   +13 °C
Այսօր`   Կիրակի, 14 ապրիլի, 2024 թ.

Ամփոփվել է բուհերի ընդունելության միասնական քննությունների ձմեռային փուլը

812
Ուրբաթ, 16 փետրվարի, 2024 թ., 16:00
Ամփոփվել է բուհերի ընդունելության միասնական քննությունների ձմեռային փուլը

Գնահատման և թեստավորման կենտրոնը հայտնում է․ «Ամփոփվել է բուհի ընդունելության միասնական քննությունների առաջին՝ ձմեռային փուլը: Հայտագրված է եղել 9671 դիմորդ, որից քննական 6 օրերի ընթացքում 12 առարկայից քննության է մասնակցել 9604-ը: Տեղի է ունեցել 16655 դիմորդ/քննություն՝ հայտագրված 16923-ի դիմաց: Քննության ավարտից 2 ժամ հետո թեստերն ու ճիշտ պատասխանները տեղադրվել են Գնահատման և թեստավորման կենտրոնի dimord.am և atc.am կայքերում: Քննության 5-րդ օրը հրապարակվել են արդյունքները, իսկ 6-րդ օրը բողոքարկման դիմումներն են ընդունվել: Քննաշրջանի ավարտից հետո բողոքարկման հանձնաժողովը քննարկել է ստացված դիմումները: 193-ից 16-ի դեպքում նախնական գնահատականը փոխվել է, ինչի մասին հաղորդագրություն է ուղարկվել դիմորդների անձնական էլեկտրոնային հասցեներին»:

Աղբյուրը`   ԳԹԿ