Երևան`   +6 °C
Այսօր`   Չորեքշաբթի, 28 փետրվարի, 2024 թ.

«Պուտինի հիշեցումն ակնարկ է ՀՀ իշխանություններին». Թաթուլ Հակոբյան

199
Շաբաթ, 10 փետրվարի, 2024 թ., 21:00
«Պուտինի հիշեցումն ակնարկ է ՀՀ իշխանություններին». Թաթուլ Հակոբյան

Լրագրող Թաթուլ Հակոբյանի ֆեյսբուքյան գրառումը․ «Պուտինի հարցազրույցը
Գիշերը ծայրից ծայր դիտեցի Ռուսաստանի նախագահի հարցազրույցը և դրա մասին «Դոյչե Վելլե»-ի, «Դոժդ»-ի ու մի քանի այլ լրատվամիջոցների մեկնաբանությունները:
Պուտինի պնդումը, որ Ուկրաինան արհեստական կազմավորում է, հիշեցրեց մեկ այլ նախազգուշացում, որ մի քանի անգամ արել է Ռուսաստանի նախագահը Նիկոլ Փաշինյանին 2018 թվականի ապրիլից հետո, ի մասնավորի՝ մայիսի 14-ին Սոչիում կայացած հանդիպման ընթացքում:
Պուտինը չի ասում, որ Հայաստանը արհեստական կազմավորում է, բայց պնդում է, որ Հայաստանի հիմնադրման հիմքում Հայկական մարզն է, որ ձևավորվել է 1828-ին:
Կրեմլի պաշտոնյաները պատահական չեն անդրադառնում պատմական դեպքերին: Նրանք դրանով փորձում են հիշեցնել, որ եթե չլիներ ցարական Ռուսաստանի կողմից Արևելյան Հայաստանի գրավումը/ազատագրումը շուրջ 200 տարի առաջ, ապա հավանական է, որ այսօր Հայաստանի անկախ Հանրապետություն չէր լինի:
Այս հիշեցումը ակնարկ է ՀՀ իշխանություններին, որ եթե նրանք ՀՀ-ն փորձեն դուրս բերել ռուսական ուղեծրից, ապա կպատժվեն:
Այս մասին 2018-ի աշնանը հոդված եմ գրել, որը դնում եմ մեկնաբանության մեջ»:

Աղբյուրը`   Թաթուլ Հակոբյան