Օտար լեզուների այսօրվա քննության ճիշտ պատասխաններն արդեն հրապարակվել են

Գնահատման Թեստավորման Կենտրոնը հայտնում է, որ Օտար լեզուների այսօրվա քննության ճիշտ պատասխանները տեղադրված են atc.am և dimord.am կայքերում:

Հիշեցնենք, որ այսօր օտար լեզուների միասնական քննության օրն է: Քննություն հանձնողների նախնական թիվը 5108 էր, Երևանում՝ 1850 և մարզերում՝ 3258: Մայրաքաղաքում 1830 դիմորդ անգլերեն է հայտագրել, 8-ը՝ գերմաներեն, 11-ը՝ ֆրանսերեն և 1-ը՝ իսպաներեն: Մարզերում 3215 դիմորդ անգլերեն է հանձնել, 22-ը՝ գերմաներեն և 21-ը՝ ֆրանսերեն: Իտալերեն և պարսկերեն այս փուլում ոչ ոք չի հայտագրել:

Հիշեցնենք նաև, որ արդեն 2-րդ տարին Գնահատման և թեստավորման կենտրոնը դիմորդներին լրացուցիչ հնարավորություն է տալիս՝ միասնական քննություն հանձնել 2 անգամ՝ ձմռանն ու ամռանը: Ընդունելության քննությունների 1-ին փուլում հայտագրվել է 9672 դիմորդ։