Ղրղզստանի և Չինաստանի սահմանին մի քանի երկրաշարժ է գրանցվել

5,6 մագնիտուդով մի քանի երկրաշարժ է գրանցվել Ղրղզստանի և Չինաստանի սահմանին:

Սեյսմոլոգների տվյալներով՝ առաջին ցնցումն ամենաուժեղն է եղել: Ժամը 02:01-ին երկրաշարժի ուժգնությունը կազմել է 5.6 մագնիտուդ: Հետցնցումները եղել են 4-5 մագնիտուդով:

էպիկենտրոնը գտնվել է Չինաստանի այն վայրի մոտ, որտեղ հունվարի 23-ին տեղի էր ունեցել 7 մագնիտուդով երկրաշարժ: Աշխարհագրական դիրքի մոտ լինելու պատճառով, ցնցումները զգացվել են նաև Ղրղզստանի տարածքում: