Չնայած ձախողմանը` Իլոն Մասքը հայտարարել է Starship-ի հերթական թռիչքի մասին

Իլոն Մասքը հայտարարել է Starship-ի հաջորդ փորձարկումների ամսաթիվը՝ չնայած նախորդած ձախողմանը։ Իլոն Մասքը պատասխանել է X սոցիալական ցանցում իր բաժանորդներից մեկի հարցին, թե երբ կարող է տեղի ունենալ Starship Flight 3 ծանր տրանսպորտային նավի հաջորդ փորձնական թռիչքը։
Մասքի խոսքով՝ թռիչքը պետք է իրականացվի 3-4 շաբաթից։
Միաժամանակ SpaceX-ը պետք է ԱՄՆ Դաշնային ավիացիոն վարչության լիակատար վերահսկողության ներքո իրականացնի վթարի պատճառների համապարփակ հետաքննություն։
«Starship Flight 3-ի թռիչքային սարքավորումները պետք է պատրաստ լինեն մեկնարկի երեք-չորս շաբաթվա ընթացքում: «Հայբեյի անգարում երեք նավ կա արտադրության վերջնական փուլում»,- պատասխանել է Իլոն Մասքը: