«Նայեք՝ ինչ վիճակում են հայտնվել ծառերն այս շինհրապարակում». Լևոն Գալստյան

Բնապահպան Լևոն Գալստյանը ֆեյսբուքյան իր էջում լուսանկարներ է տարածել՝ գրելով. «Շարունակելով սոսիների թեման՝ նայեք, թե ինչ վիճակում են հայտնվել ծառերն այս շինհրապարակում։ Երբ չկա ոչ մի վերահսկողություն, իսկ շինարարները թքած ունեն Կարմիր գրքում գրանցված սոսիների վրա՝ այս վիճակն է լինելու։ Իսկ թե հատվել են արդյո՞ք ծառեր, քանի՞ ծառ է հատվել այս տարաքում՝ երևի արդեն չենք իմանա։ Ամեն դեպքում այս պահին տարածքում դեռ կան 6-7 սոսիներ, որոնց կյանքը վտանգված է։
Հասցեն Հալաբյան փողոց, Հանրապետական հիվանդանոցի ծննդատան մուտքի հատվածում։
Վարդան Հարությունյան, Քրիստինա Վարդանյան,
Երևանի քաղաքապետարան, «Կանաչապատում և շրջակա միջավայրի պահպանություն», վերահսկեք այս տարածքը, ստիպեք վերացնել խախտումներն և պաշտպանեք ծառերը»