«Արմավիրի Բագարան գյուղն ավելի մոտ է դիմացի թուրքական գյուղին, քան կողքի հայկականին». Հովիկ Աֆյան

Գրող Հովիկ Աֆյանը ֆեյսբուքյան իր էջում գրել է. «Արմավիրի Բագարան գյուղն ավելի մոտ է դիմացի թուրքական գյուղին, քան կողքի հայկականին։ Գազ չունեն, ջուր արդեն ունեն, տրանսպորտ չունեն, մինարեթից լսվող ձայնից են սարսռում ու եկեղեցի չունեն գյուղում, գործո՛ղ։ Բայց դպրոց ունեն։ Ու արև ունեն՝ երկնքում, որ իրենց դաշտերի պես անծայրածիր է ու էդ դպրոցի աշակերտների աչքերում է։
Հենց նրանք էին, որ ամեն մեկը մի օրում, իրար փոխանցելով, կարդացել էին «Արեգակ» կոչվող ընթերցասրահի միակ ու հրաշալիորեն մաշվող «Կարմիրը» ու կանչել ինձ՝ խոսելու։ Երեք ժամ խոսեցինք։ Երեք ժամ սովորեցի։ Այդ թվում գրել ու ամենակարևորը՝ հավատալ։ Իրենք՝ չգիտեմ...
Բագարանը, որ սարսռում է թուրքական մինարեթից լսվող ձայնից, արև ունի, ու այդ արև դպրոցում է։ Ավելի ճիշտ՝ դպրոցն է։ Միայն»։