«Դեպք, որը վեջերս տեղի է ունեցել Սախարովի անվան N 69 հիմնական դպրոցում». Լիլիթ Ղարեյան
426
Կիրակի, 15 հոկտեմբերի, 2023 թ., 17:54
Բիզնեսի կառավարման մասնագետ Լիլիթ Ղարեյանը ֆեյսբուքյան իր էջում գրել է. «Պատմում եմ դեպք, որը վեջերս տեղի է ունեցել Սախարովի անվան N 69 հիմնական դպրոցում: Երգի դասատուն (անունը դեռ ճշտվում է, քանի որ երեխան ընդամենը մեկ երգի դաս է ունեցել և չի հիշում) Արցախցի 4-րդ դասարանի երեխային ասում է՝ «ԱՅ ԴՈՒՔ ՁԵՐ 3-ՐԴ ԴՊՐՈՑՈՒՄ ՀԱՅԵՐԵՆ ՉԵՔ ՍՈՎՈՐԵԼ, ԴՐԱ ՀԱՄԱՐ ԷԼ ՁԵՐ ԵՐԿԻՐԸ ԳՐԱՎԵԼ ԵՆ»: Ուրեմն, այսպիսի կենդանիներն իրավունք չունեն կրթել մեր երեխաներին: Ես ամեն ինչ անելու եմ, որ այս «դասատուն» դառնա համազգային պարսավանքի առարկա, որպեսզի, եթե լինեն այլ նման կենդանիներ մեր դպրոցներում (ես մեծ հույս ունեմ, որ քիչ են), ապա վախից գոնե բերանները փակեն: Իրավական տեսանկյունից այս խոսքը հանդիսանում է հոգեբանական բռնության, վիկտիմիզացիայի, և խտրականության ճչացող օրինակ, ու միանգամայն հիմք է այդ անձին աշխատանքից ազատելու համար։ ՀՀ աշխատանքային օրենսգրքի 122-րդ հոդվածի համաձայն՝ «Գործատուն իրավունք ունի սույն օրենսգրքի 113-րդ հոդվածի 1-ին մասի 6-րդ կետով նախատեսված հիմքով լուծելու աշխատանքային պայմանագիրը վստահությունը կորցրած աշխատողի հետ, եթե աշխատողը՝ 2) ուսումնադաստիարակչական գործառույթներ իրականացնող աշխատողը թույլ է տվել տվյալ աշխատանքը շարունակելու հետ անհամատեղելի արարք»։ Այս «ուսուցչի» խոսքը նման անհամատեղելի արարքի հստակ օրինակ է։ Ավելին, իր խոսքը կարելի է դիտարկել նաև քրեական իրավունքի տեսանկյունից։ Համաձայն քրեական օրենսգրքի 329-րդ հոդվածի հանցանք է «անձի կամ անձանց խմբի նկատմամբ … անձնական կամ սոցիալական բնույթի այլ հանգամանքներով պայմանավորված … անհանդուրժողականություն կամ թշնամանք հրահրելուն կամ քարոզելուն ուղղված հրապարակային խոսքը»։ Փաստացի, այս «ուսուցչի» խոսքն անհանդուրժողականություն է հրահրում իր իսկ աշակերտի հանդեպ։ Ես այս գրառմանս մեջ նշում եմ դպրոցի տնօրենին՝ Մարիաննա Մալյանին, ՀՀ կրթության, գիտության, մշակույթի և սպորտի նախարարություն, ԿԳՍՄ նախարար տիկին Ժաննա Անդրեասյանին, և կոչ եմ անում ձեռնարկել անհապաղ գործողություններ: Սպասում եմ արագ արձագանքի»:
