«Ձեր ձայնը մի՛ բարձրացրեք», «ինձ մի՛ ընդհատեք». բանավեճ՝ Քոչարյանի ու Խաչատրյանի միջև

ԱԺ մշտական հանձնաժողովների համատեղ նիստում բանավեճ տեղի ունեցավ «Հայաստան» խմբակցության պատգամավոր Արթուր Խաչատրյանի և ՔՊ-ական Անդրանիկ Քոչարյանի միջև: «Այն, ինչ ասաց պարոն Քոչարյանը, ավելի մեծ քննադատություն ոստիկանության հասցեին, չէի պատկերացնում: Մարդն ասում է՝ 6 ոստիկան աչքերը փակեց խախտմանը, մենակ մեկը կանգնեցրեց, այսինքն՝ 7-ից 6-ը, ըստ պարոն Քոչարյանի, իրավունք չունի ուսադիր կրի... Էդ մեկն ինչո՞ւ եք ուզում խրախուսվի»,- դիմելով Անդրանիկ Քոչարյանին՝ ասաց Արթուր Խաչատրյանը: Քոչարյանը հորդորեց Խաչատրյանին չաղավաղել իր խոսքերը: «Դրա համար էլ բոլորը փոխվեցին»,- ասաց Քոչարյանը: «Բոլորը որ փոխվեցին նոր ասացիք. փոխվելը ոչ մի բան չի նշանակում»,- արձագանքեց Խաչատրյանը:

Ավելի վաղ Անդրանիկ Քոչարյանը պատմել էր՝ ինչպես են պարեկներին «փորձելու» համար գերազանցել արագությունը: