Երևան`   +8 °C
Այսօր`   Հինգշաբթի, 28 մարտի, 2024 թ.

«Կասկած չկա, որ այս փնթիության ստեղծողները ուտել-խմելիս հայրենասիրական կենացներ են ասել». Արա Արայան

2294
Շաբաթ, 03 սեպտեմբերի, 2022 թ., 11:24
«Կասկած չկա, որ այս փնթիության ստեղծողները ուտել-խմելիս հայրենասիրական կենացներ են ասել». Արա Արայան

Վերլուծաբան Արա Արայանը ֆեյսբուքյան իր էջում լուսանկարներ է տարածել՝ կից գրելով հետևյալը. «Սևանի հանրային լողափ, հետպատերազմյան Հայաստան։ Ողջ լիճը, ափամերձը աղբի մեջ կորած է, ողջ երկիրն է աղբի մեջ։
Եվ դուք խոսում եք հայրենիքի՞ց, հայրենասիրությունից, զոհերից, հաղթանկաից ու պարտությունի՞ց, զարմանում եք երկրի վիճակի՞ց։
Կասկած չկա, որ այս փնթիության ստեղծողները ուտել խմելիս հայրենասիրական կենացներ են ասել, ազգի ու բանակի, զոհերի կենացն են խմել, դա պարտադիր ծես է հայության մեջ։ Բայց անիմաստ է ժողովրդին ու ազգին մեղադրելը։ Պետություն չկա, տեր չկա, ժողովրդին դաստիարակող ու սովորեցնող, պատժող չկա...
Էս փնթիության ու անտարբերության մեջ աշխարհաքաղաքականություն ու ապագա ենք քննարկում, անլուրջ է, նույնիսկ ծիծաղելի...
Մի բան էլ վրդովվում ենք, թե հողերը տվեցինք թուրքերին։ Էս բոլոր աղտոտած ու փնթիության մեջ կորած հողերը նույնպես հանձնված են, փնթիությունը թուրքից վտանգավոր թշնամի է, կապ չունի երկիրը թուրքինմ թե աղբին ես հանձնել...
Շրջակա միջավայրի նախարարություն ու Ազգային պարկ պահելու իմաստը ո՞րն է, տո կառավարություն պահելու իմա՞ստը որն է, ասեք խնդրեմ։ Որ մի խումբ պարապներ հարկատուի հաշվին ֆոտոսեսիաներ անեն ու ֆբ-ում տարածե՞ն և աշխատանքի իմիտացիա՞ ստեղծեն։
Փնթի եք փնթի, 30 տարի երկրի ղեկը փնթիների ձեռքում է»:

Աղբյուրը`   Արա Արայան