«Վատ միտք չի «ակադեմիական քաղաք» ունենալը, բայց...». Ռոբերտ Ղևոնդյան

Քաղաքագետ Ռոբերտ Ղևոնդյանը ֆեյսբուքյան իր էջում գրել է. «Ընդհանուր առմամբ վատ միտք չի «ակադեմիական քաղաք» ունենալը, բուհերի տեղափոխումն էլ հետաքրքիր գաղափար է, թեև պետական հիմնարկները կենտրոնից հանելը շատ անգամ ավելի կարևոր և առաջնային է: Ընդ որում՝ Աշտարակ քաղաքի ընտրությունն էլ է ռացիոնալ, բայց երկու կարևոր պայմանով.
1. Կառուցել էլեկտրագնացքի գիծ՝ Երևան-Աշտարակ երթուղով, որով գոնե կես ժամը մեկ կընթանան ժամանակակից լրակազմով ապահովված, բոլոր հարմարավետություններով վագոններով արագընթաց գնացքներ
2. Աշտարակ քաղաքում կառուցել նոր ու ժամանակակից չափանիշներին համապատասխանող հանրակացարաններ, որտեղ սովորողների բնակության վարձի գումարի մի մասը կսուբսիդավորի պետությունը:
Քանի դեռ այս երկու պարտադիր պայմանը ապահովված չէ, տեղափոխումը միայն ավելորդ գլխացավանքներ է առաջացնելու»: