«Բոլոր այն երգիչները, որոնց համար հայրենասիրությունը չի սահմանափակվում Երևանի ասֆալտի վրա, սպասում ենք Բերձորում». Հոխիկյան

Մեդիափորձագետ Նաիրի Հոխիկյանի գրառումը. «Հուլիսի 1-ին Բերձորում (Լաչին) փոքրիկ համերգ և ազգային պարուսուցում ենք անելու՝ միավորելով Բերձորի, Աղավնոյի ու ընդհանրապես, բոլոր հայկական բնակավայրերի մեր հայրենակիցներին։
Հուլիսի 1-ին կարևոր է լինել Բերձորի բնակիչների կողքին։ Եթե լավ չի լինելու, ապա միասին դիմավորենք, եթե լավ է լինելու, կրկին միասին։
Բոլոր այն հայ երգիչները, որոնք չեն վախենում գալ Բերձոր ու որոնց համար հայրենասիրությունը չի սահմանափակվում Երևանի ասֆալտի վրա, հուլիսի 1-ին սպասում ենք Բերձորում՝ եկեղեցու մոտ, ժամը 13:30-ից սկսած։
Մենք մեր պատմական հողը ոչ ոքի չենք տա։ Գործով ցույց տանք մեր նվիրումը»։