Թուրքիան գնում է Ռուսաստանի կողմից գողացված ուկրաինական հացահատիկը. դեսպան

Թուրքիայում Ուկրաինայի դեսպան Վասիլի Բոդնարը Թուրքիային դասել է Ռուսաստանի կողմից գողացված ուկրաինական հացահատիկ գնող երկրների թվում։ Այս մասին հայտնում է Reuters-ը։

Ուկրաինացի դիվանագետը լրագրողներին ասել է, որ դիմել է թուրքական իշխանություններին և Ինտերպոլին օգնության համար՝ որպեսզի հետաքննելու սկսեն, թե ովքեր են ներգրավված թուրքական ջրերով տարանցիկ հացահատիկի առաքման գործում: