«Առաջարկվող փոփոխություններով տեղի է ունենալու առկա ֆինանսական հոսքերի՝ մի գրպանից մյուսը տեղափոխելու գործընթաց». Վահրամ Ավետիսյան

ՍԴ դատավորի նախկին թեկնածու Վահրամ Ավետիսյանը գրում է. «Ազգային ժողովի պաշտոնական կայքից կարելի է տեղեկանալ մոլեխաղերի կազմակերպման ոլորտում առաջարկվող հերթական օրենսդրական փոփոխությունների մասին: Նախաձեռնություն, որը, իմ կարծիքով, հանդիսանում է հատվածական մտածելակերպի և գործող իրավակարգավորումների վերաբերյալ բավարար գիտելիքների բացակայության արդյունք: Ըստ էության, առաջարկվող փոփոխություններով տեղի է ունենալու առկա ֆինանսական հոսքերի մի գրպանից մյուսը տեղափոխելու գործընթաց, ինչը որևէ աղերս չունի խաղամոլության դեմ պայքարի, երկրում խաղամոլության մակարդակի նվազեցման կամ հանցավոր ճանապարհով ձեռք բերված միջոցների շրջանառության կանխման հետ:
Կառաջարկեմ մինչ որևէ փոփոխություն ձեռնարկելը ուսումնասիրել գործող օրենսդրության պահանջների գործնական կիրառությունը և պահպանումը, ինչպես նաև իրականացնել ռեալ արդյունքներ ապահովող համակարգային բարեփոխումներ»: