«Համոզված եղեք, որ հացահատկի խնդիր չի լինի»․ Վահագն Խաչատուրյան

«Համոզված եղեք, որ այդ խնդիրը չի լինի, որովհետև իրականում մենք գնահատում ենք մեր հնարավորությունները, մեր ներքին ռեսուրսները»,- այսօր՝ լրագրողների հետ ճեպազրույցում, անդրադառնալով ՀՀ-ում հացահատկի հնարավոր դեֆիցիտի վերաբերյալ հարցին՝ ասաց նորընտիր նախագահ Վահագն Խաչատուրյանը։

«Հացահատկի արտադրության մեր ներքին պաշարները իսկապես պակասել են, բայց այլ ձևերով այդ պակասը կլրացվի»,- հավաստիացրեց նա։