Պուտինը շնորհավորել է Վահագն Խաչատուրյանին

ՌԴ նախագահ Վլադիմիր Պուտինը Վահագն Խաչատուրյանին շնորհավորել է Հայաստանի նախագահ ընտրվելու կապակցությամբ, հաղորդում է ՏԱՍՍ-ը՝ հղում անելով Կրեմլի մամուլի ծառայությանը:

«Վստահ եմ, որ ձեր գործունեությունը այս բարձր պաշտոնում կնպաստի ռուս-հայկական դաշնակցային հարաբերությունների հետագա զարգացմանը և եվրասիական փոխշահավետ ինտեգրացիոն գործընթացների խթանմանը՝ ի շահ մեր եղբայրական ժողովուրդների, ի շահ տարածաշրջանային անվտանգության և կայունության ամրապնդման»,-նախագահի խոսքերը փոխանցում է գործակալությունը։