Ուկրաինայի վրա ռուսական հարձակման հետևանքով 16 երեխա է զոհվել

«Չորրորդ օրն է՝ մարդկանց մեծ մասը դուրս չի գալիս հիվանդանոցներից վիրահատարաններից. վիրավորներին շուրջօրյա հսկելով և վիրահատելով՝ մենք կյանքեր ենք փրկում։ Մենք նաև վիրահատում ենք երեխաներին։ Ցավոք, 16 երեխայի չի հաջողվել փրկել։ Սրանք ռուսական բանակի արարքների հետևանքներն են, որը չի կարելի բանակ անվանել։ Քանի որ ոչ թե բանակն է կրակում բժիշկների, երեխաների, դպրոցների, մանկապարտեզների վրա, այլ ահաբեկիչների խմբավորումը։ Եվս մեկ անգամ հայտարարում եմ՝ սա բանակ չէ, սրանք ահաբեկիչներ են»,- ասել է Ուկրաինայի առողջապահության նախարար Վիկտոր Լյաշկոն։