«Փորձելու ենք էնպես անել, որ մեր տնտեսվարողները հնարավորինս քիչ տուժեն». Քերոբյանը՝ ՌԴ դեմ միջազգային պատժամիջոցների մասին

Էկոնոմիկայի նախարար Վահան Քերոբյանը կառավարության նիստից հետո լրագրողների հետ ճեպազրույցում անդրադարձել է Ռուսաստանի դեմ միջազգային պատժամիջոցների վերաբերյալ հարցին: «Ուշադիր հետևում ենք իրավիճակի զարգացմանը։ Մենք էդ բոլոր գործոններն ուսումնասիրում ենք և նաև ուղիղ կապի մեջ ենք թե՛ արտահանողների հետ, թե՛ մյուս բիզնեսների հետ, ում վրա դա կարող է անդրադառնալ։ Նաև դիտարկում ենք էն հնարավորությունները, որոնք կարող ենք օգտագործել, որպեսզի մեղմենք հնարավոր հարվածները... Տնտեսական առումով փորձելու ենք էնպես անել, որ մեր տնտեսվարողները հնարավորինս քիչ տուժեն»,- ասել է նախարարը: