Հայտնաբերվել է դինոզավրի եզակի ձու՝ լավ պահպանված սաղմով

Չինաստանի, Մեծ Բրիտանիայի և Կանադայի գիտնականները հրապարակել են 72-66 միլիոն տարեկան թերոպոդ դինոզավրի ձվի նկարագրությունը, որի ներսում սաղմի հիանալի կմախք է պահպանվել։ Գտածոն հայտնաբերվել է Չինաստանի հարավում։ Ամենից շատ գիտնականներին հետաքրքրել է սաղմի դիրքը, որը ճիշտ այնպիսին է, ինչպես ժամանակակից թռչունների ճտերինը: Հետազոտության արդյունքները հրապարակված են iScience ամսագրում։
Պտուղը, որն ստացել է «Yingliang baby» անվանումը, հայտնաբերվել է Գանչժոու շրջանի կավճի դարաշրջանի ժայռերում: Ելնելով նրա երկարավուն անատամ գանգի տեսքից՝ գիտնականները նրան անվանել են օվիրապտորոզավր՝ փետրավոր թերոպոդ դինոզավրերի ներկայացուցիչ, որը սերտորեն կապված է ժամանակակից թռչունների հետ:

«Baby Yingliang»-ը գլխից մինչև պոչի ծայրը 27 սանտիմետր երկարություն ունի և գտնվում է 17 սանտիմետրանոց երկարավուն ձվի մեջ: Նմուշը գտնվում է Գունչժոուի քարի բնական պատմության Յինգլիանգ թանգարանում: Այն ձեռք է բերվել 2000 թվականին և մինչ օրս պահվում է պահեստներում։

Հեղինակները հույս ունեն, որ նոր հայտնագործությունները կհաստատեն դինոզավրերի և թռչունների սաղմնային զարգացման նմանությունների վերաբերյալ իրենց վարկածը: