Երևան`   +30 °C
Այսօր`   Շաբաթ, 22 օգոստոսի, 2026 թ.

«Ինձ համար մեծագույն պատիվ է ստանձնել ԵՊՀ հոգաբարձուների խորհրդի նախագահի պաշտոնը». Սուրեն Պապիկյան

1745
Կիրակի, 07 նոյեմբերի, 2021 թ., 00:00
«Ինձ համար մեծագույն պատիվ է ստանձնել ԵՊՀ հոգաբարձուների խորհրդի նախագահի պաշտոնը». Սուրեն Պապիկյան

ՀՀ փոխվարչապետ, ԵՊՀ հոգաբարձուների խորհրդի նախագահ Սուրեն Պապիկյանը ֆեյսբուքյան իր էջում գրել է․ «Այսօր տեղի է ունեցել «Երևանի պետական համալսարան» հիմնադրամի նոր ձևավորված հոգաբարձուների խորհրդի անդրանիկ նիստը։ Օրակարգը հաստատելուց հետո Հոգաբարձուների խորհուրդը քննարկել է նախագահի ընտրության հարցը:
Ելույթում նշել եմ, որ կարող եմ և պատրաստ եմ իմ ներդրումն ունենալ համալսարանի զարգացման գործում՝ փաստելով, որ ինձ համար մեծագույն պատիվ է ստանձնել այս պաշտոնը: Այնուհետև պատասխանել եմ ՀԽ անդամների հնչեցրած բոլոր հարցերին և քվեարկությամբ ընտրվել ԵՊՀ հոգաբարձուների խորհրդի նախագահ:
ԵՊՀ հոգաբարձուների խորհուրդը ձայների մեծամասնությամբ նաև որոշել է հայտարարել ռեկտորի պաշտոնի համար նոր մրցույթ, որը տեղի է ունենալու ս.թ. դեկտեմբերի 17-ին»:

Աղբյուրը`   Սուրեն Պապիկյան