«Կարելի է ունենալ թերի բարձրագույն կրթություն, բայց ամբողջական լինել». Սյունե Սևադա

Արձակագիր, լրագրող, բլոգեր Սյունե Սևադան ֆեյսբուքյան իր էջում գրել է. «Այսօր կլրանար երեք տարին, ինչ ես ունեմ ամբողջական բարձրագույն կրթություն, բայց լրանում է չորս տարին, ինչ ես կիսատ թողեցի մագիստրատուրաս, թեզ գրելու տեղակ լիքը պատմվածքներ գրեցի, գործի լավ առաջարկ ունեի՝ ընդունեցի ու լավ գումար էի վաստակում, ի վերջո՝ գիրքս տպեցի ու հիմա վայելում եմ ամենառիսկային, բայց արդարացված որոշումներիցս մեկի պտուղները:
Կարելի է ունենալ թերի բարձրագույն կրթություն, բայց ամբողջական լինել: Կարևորը իմացեք՝ ինչու է պետք ավարտել, պայմանական, էդ մագիստրատուրան, կամ ինչու է պետք թողնել կիսատ: Անկեղծ եղեք, սիրելով սովորեք, հույսը կապեք ինքնակրթության հետ՝ սա միշտ է փրկում:
Մի վախեցեք ռիսկի գնալ՝ հանուն ձեր երազանքների: Բարի ուսումնական տարի»: