Ֆրանսիան պաշտոնական դիրքորոշում է հայտնել թալիբների վերաբերյալ

Ֆրանսիան չի ճանաչում և չի պատրաստվում ճանաչել «Թալիբան»-ի իշխանությունը Աֆղանստանում, այս մասին հայտարարել է Ֆրանսիայի ԱԳՆ Ժան-Իվ Լե Դրիանը Journal du Dimanche թերթին տված հարցազրույցին:

«Պատրաստվո՞ւմ ենք արդյոք մենք ճանաչել թլիբների իշխանությունը, որոնք ուժով գրավեցին երկիրը: Այս հարցին ևս հստակ պատասխան եմ տալիս՝ ոչ»,- ասել է նա: Ըստ Դրիանի, թալիբների նկատամբ իրենց պահանջներից մեկն էլ եղել է բոլոր այն աֆղանցիների անխոչընդոտ դուրս բերումը երկրից, որոնց կյանքին վտանգ է սպառնում: Նաև խմբավորման անդամները պետք է խզեն կապերը ահաբեկիչների հետ: ՆԱՏՕ-ի արտգործնախարարների հանդիպման ժամանակ Ֆրանսիան նաև ԱՄՆ-ից պահանջել է արագացնել Աֆղանստանի բնակիչների տարհանման տեմպերը: Ըստ նախարարի, հաջողվել է օգնություն ցուցաբերել ավելի քան 500 մարդու: «Մինչև ամերիկացիների՝ «կանաչ գոտուց» հեռանալը, մենք վիզաներ էինք տրամադրում դեսպանատանը: Այժմ մենք դա կարող ենք անել Աբու Դաբիում կամ արդեն Ֆրանսիայում: Մեր միակ խնդիրը թալիբների դիրքերով օդանավակայան մուտք գործելն է, որի դարպասներին հազարավոր մարդիկ են այժմ հավաքվել են»,- բացատրել է Լե Դրիանը:

Ինչպես նշել է Ֆրանսիայի արտգործնախարարը, խնդրի լուծման համար անհրաժեշտ է դուրս գալ G7-ի և ՆԱՏՕ-ի ձևաչափերից՝ Ռուսաստանին, Չինաստանին և Իրանին հրավիրելով համագործակցության: Այս քայլը կարող են քննարկել Ֆրանսիայի և Ռուսաստանի նախագահներ Էմանուել Մակրոնը և Վլադիմիր Պուտինը զրույցի ընթացքում: Նախարարը հավելել է, որ Փարիզն ակնկալում է երկրում «ներառական» կառավարության ձևավորում, ինչպես նաև աֆղանական հասարակության բոլոր շերտերի իրավունքների և ազատությունների հարգում: