«Ակադեմիական քաղաք. ո՞րն է նպատակը». Հանրային քննարկում

Առաջին ալիքի «Հանրային քննարկում» հաղորդաշարում բանախոսները զրուցել են ակադեմիական քաղաք ստեղծելու գաղափարի շուրջ՝ անդրադառնալով դրական ու բացասական կողմերին:

Ավելի վաղ Արագած համայնք կատարած այցի ժամանակ՝ քաղաքացիների հետ հանդիպմանը Փաշինյանը խոսել էր բուհերում առկա խնդիրների մասին և առաջարկել իր լուծումները:

«Մենք ունենք էսպիսի գաղափար, որ Երևանի բուհերի մեծամասնության շենքերը հանենք վաճառքի, ձևավորված գումարներից Երևանից դուրս կառուցենք քաղաք, որը կլինի բուհական, ակադեմիական քաղաք, որտեղ կենտրոնացված կլինի մեր գիտական, դասախոսական պոտենցիալը, և այ էս երեխեքը բարեփոխված դպրոցներից հնարավորություն ունենան գնալ էդ բարեփոխված բուհական համակարգ»,- ասել էր նա: