ԿԳՄՍ նախարարը ներկայացրեց բուհերում այս տարվա ընդունելության կարգը

ԿԳՄՍ նախարար Վահրամ Դումանյանը ներկայացրեց բուհերում ընդունելության կարգը. «Առաջարկվող կարգը հետևյալն է. ընդունելությունը կկատարվի երկու փուլով, առաջինով՝ դիմորդները կընտրեն բուհն ու կոնկրետ մասնագիտությունը, կլրացնեն հայտը, որը լինելու է էլեկտրոնային եղանակով: Կանցկացվի մրցույթ, կհայտարարվեն արդյունքները, կհայտարարվի նաև թափուր մնացած տեղերի քանակը: Երկրորդ փուլով, նրանք, ովքեր չեն ընդունվել, կարող են դիմել 6 տարբեր մասնագիտություններով, որոնք պահանջում են այն քննությունների փաթեթը, որը դիմորդն ունի հանձնած»,- ասաց նախարարը: