Արա Այվազյանը՝ Ադրբեջանի ԱԳ նախարարի հետ հնարավոր հանդիպման մասին

ՀՀ ԱԳ նախարար Արա Այվազյանը հարցազրույց է տվել РИА Новости-ին: Հարցին՝ հնարավո՞ր է հանդիպում Ադրբեջանի ԱԳ նախարարի հետ, Այվազյանը պատասխանել է. «Մենք երբեք չենք հրաժարվել հանդիպումներից: Սակայն ցանկացած հանդիպում, եթե այն չի կազմակերպվում միայն կազմակերպման նպատակով, պետք է համապատասխանի որոշակի չափորոշիչների: Առաջին հերթին, խոսքը համապատասխան մթնոլորտի ստեղծման մասին է, հստակ օրակարգի ձևավորման, և, որ պակաս կարևոր չէ, մյուս կողմում պատրաստ լինելու գալ պայմանավորվածության»: