«Նախարարի վերաբերյալ ոչ այդքան բարեկիրթ արտահայտությունները մտորելու տեղիք են տալիս․ զո՛ւսպ եղեք». Հ. Հովհաննիսյան

«Քաղաքականացվածության էջը կարելի է այս օրենքով համարել փակված, և քաղաքական ղեկավար պաշտոնյաներ չեն կարող լինել բուհերի խորհուրդների անդամներ»,- այսօր ԱԺ ամբիոնից «Բարձրագույն կրթության և գիտության մասին» օրենքի նախագծի քննարկումից հետո՝ հարակից զեկուցման ժամանակ, հայտարարեց գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախագահի տեղակալ Հովհաննես Հովհաննիսյանը:

Անդրադառնալով այսօր ԱԺ-ում տեղի ունեցած վիճաբանությանը, Հովհաննիսյանն ասաց. «Ոչ այնքան բարեկիրթ արտահայտությունները, որ արվեցին նախարարի հետ կապված, կարծում եմ, հատկապես էս օրենքի քննարկման առումով, լուրջ մտորելու տեղիք են տալիս, որովհետև մենք խոսում ենք բարձրագույն կրթության որակի բարձրացման մասին, այնինչ այստեղ խոսակցությունը լրիվ հակառակ ուղղությամբ են գնում»,- ասաց Հովհաննիսյանը՝ կոչ անելով պատգամավորներին զուսպ լինել:

Մանրամասները՝ տեսանյութում: