«Էս տղեն այդ ամեն ինչին հասել է, իսկ ո՞վ ես դու». Ռուբեն Մխիթարյան

Պրոդյուսեր Ռուբեն Մխիթարյանը ֆեյսբուքյան իր էջում գրել է. «Էս տղեն նորանկախ Հայաստանի ամենաուժեղ ֆուտբոլիստն է: Եթե դուք գոնե մի քիչ ֆուտբոլից հասկանում եք, ապա վստահ կգիտակցեք, որ մոտակա 10 տարին ոչ մի այլ հայ ֆուտբոլիստ դժվար թե խաղա Եվրոպա Լիգայի եզրափակչում, էդ եզրափակչում դառնա ֆանտաստիկ գոլի հեղինակ, հաղթի այդ եզրափակիչը, հետո էլ Եվրոպա Լիգայի գավաթը ձեռքին ու եռագույնը թիկունքին հայտնվի ամբողջ աշխարհի մամուլի էջերին:
Բունդեսլիգայի տարվա ֆուտբոլիստ էլ դժվար թե մոտակա 10-20 տարին ունենանք: Դժվար ունենանք առաջիկա տասնամյակում ֆուտբոլիստ, որի կարիճի հարվածով գոլը համարվի Անգլիական Պրեմիեր Լիգայի բոլոր ժամանակների 50 լավագույն գոլերից մեկը: Մի խոսքով: Ինչպես և Արթուր Ալեքսանյանը, Սիմոն Մարտիրոսյանը, Նազիկ Ավդալյանը և մնացած փառահեղ մարզիկները, Հենոն իր երկրի համար ունեցել է, ունի և դեռ ունենալու է մատուցած անգնահատելի ծառայություններ:
Ֆեյսբուքում չեն կերտվում իրական հաղթանակները: Իրական հաղթանակների հասնում են խաղադաշտում, գորգի ու ծանրամարտի հարթակների վրա:

Էս տղեն այդ ամեն ինչին հասել է:

Իսկ ո՞վ ես դու՝ Ֆեյսբուքից դուրս»: