«Ցանկանում եմ իրազեկել, որ խնդիրը լուծված է». Սոֆյա Հովսեփյան

ԱԺ «Իմ քայլը» խմբակցության պատգամավոր Սոֆյա Հովսեփյանը ֆեյսբուքյան իր էջում գրել է. «Հարգելի մանկավարժներ, սիրելի ընկերներ, տեղեկացնեմ, որ վերջին օրերին բուռն քննարկվում է ԿԳՄՍ նախարարության կողմից հանրային քննարկման դրված ֆինանսավորման բանաձևը, որը բազմաթիվ դժգոհությունների տեղիք է տվել մի շարք հաստիքների կրճատման և հանման առումով, սակայն ցանկանում եմ իրազեկել, որ խնդիրը լուծված է: Օրեր տևած մի շարք քննարկումներից հետո այս հարցը քննարկել եմ նաև փոխնախարար Ժաննա Անդրեասյանի հետ, ով վստահեցրեց, որ հարցը կարգավորվել է և այն է՝ բազմամասնագիտական խմբի անդամների ներգրավվածության դպրոցում: ՄԿԱ գծով փոխտնօրեն հաստիքի հետ կապված թեև իմ դիտարկումը ներկայացրել եմ, բայց հարցն այսօր պետք է քննարկվեր մասնագետների հետ և շուտով կունենանք ԲԱՆԱՁևԻ նոր և որակական տարբերակ, և հուսամ խնդիրներն ու դժգոհություններն անցյալում կմնան: Տեղեկացնեմ նաև, որ քննարկումների ավարտից հետո տիկին Անդրեասյանի հետ կհանդիպեմ և հարցը վերջնականապես կքննարկենք»: