«Դպրոցներում երկարօրյա ուսուցում չի լինի». ԿԳՄՍՆ-ն ուղեցույց է հրապարակել

ԿԳՄՍ նախարարությունը հրապարակել է կորոնավիրուսային հիվանդության (COVID-19) պայմաններում հանրակրթական ուսումնական հաստատություններում գործունեության կազմակերպման ուղեցույց: «Երկրում կորոնավիրուսային հիվանդությամբ (COVID-19) պայմանավորված համաճարակային իրավիճակից ելնելով՝ ներկա փուլում հանրակրթական ուսումնական հաստատություններում ուսումնական գործընթացը հանրակրթության բոլոր մակարդակներում (տարրական, միջին և ավագ) մեկնարկում է 2020 թվականի սեպտեմբերի 15-ից՝ առկա ուսուցմամբ, իսկ 1-ին դասարանցիները դպրոց են հաճախում սեպտեմբերի 14-ին մեկ անձի ուղեկցությամբ»,- հայտնում է նախարարությունը:

Նշվում է, որ աշակերտները դասին մասնակցելու են տեղից. գրատախտակի մոտ կանչելն արգելվում է: Դասամիջոցներին աշակերտները չեն լքելու դասասենյակը: