«Դիլիջան» ազգային պարկն էլ թքած ունի նման բաների վրա. «Բնապահպանի տուն»

«Բնապահպանի տուն» նախաձեռնությունը հաղորդագրություն է տարածել․ «Անցած տարի անընդհատ բարձրաձայնում էինք ծառագողերի կողմից վառված ծառերի մասին, որոնք հետո նրանք գալու են ու իբր օրինական, իբր քամատապալ ծառեր դուրս հանեն ու բիզնես անեն։

Ահա այդ ծառերից մեկը, որ շուտով հենց վառողն էլ կտանի։ Օրենքը թույլ չի տալիս որևէ բան անել, եթե հենց վառելու պահին ծառի կողքին չես բռնել։ Դե, իհարկե, «Դիլիջան» ազգային պարկն էլ թքած ունի նման բաների վրա։ Մենք էլ չենք կարող ամեն ծառի տակ գիշերուզօր մնալ։ Պետք է մի բան մտածել, սահմանումներ ու սահմանափակումներ տալ նման դեպքերի համար։ Հարգարժան օրենսդիրներ, խնդրում ենք կանխարգելիչ քայլեր ձեռնարկել այս իբր թե շուստրիության դեմն առնելու համար։ Իրականում էս տրյուկը բավականին մասսայական բնույթ է կրում»։