ԱՄՆ գլխավոր համաճարակաբանը գնահատել է #COVID_19-ի դեմ պատվաստանյութերի արդյունավետությունը

ԱՄՆ գլխավոր համաճարակաբան Էնթոնի Ֆաուչին CNN-ին տված հարցազրույցում նշել է, որ COVID-19-ի դեմ ցանկացած պատվաստանյութի արդյունավետությունը դժվար թե կազմի 100%, և ամենայն հավանականությամբ, կկազմի 75%:
«Ես լրջորեն կասկածում եմ, որ ցանկացած պատվաստանյութ կարող է ապահովել 100% պաշտպանություն: Առայժմ մեր լավագույն արդյունքը կարմրուկն է, որի պատվաստանյութի արդյունավետությունը կազմում է 97-98%: Լավ կլիներ, եթե մենք կարողանայինք հասնել դրան, սակայն կասկածում եմ, որ կկարողանանք: Ես գոհ կլինեմ 70-75% արդյունավետությունից, քանի որ դա բավարար կլինի հավաքական իմունիտետին հասնելու համար»,- նշել է Ֆաուչին: