Ճապոնիայում կորոնավիրուսի նոր արագ թեստ են մշակել

Հունիսի 22-ին ճապոնական Shionogi դեղագործական ընկերությունը պաշտոնապես հայտարարել է երկրի երեք համալսարանների խմբի հետ լիցենզավորման պայմանագրի կնքման մասին, որոնք մշակել են COVID-19-ի ախտորոշման արագ և պարզ թեստ, հայտնում է կորպորացիայի կայքը։
Նշվում է, որ նոր թեստը մշակվել է Տոկիոյի Նիհոն համալսարանի, Գումմայի համալսարանի և Տոկիոյի բժշկական համալսարանի հետազոտողների խմբի կողմից:
Թեստը հիմնված է թքի նմուշի վրա և թույլ է տալիս հիվանդությունն ախտորոշել մոտ 30 րոպեի ընթացքում՝ առանց բարդ սարքավորումների: Հայտնի է, որ ճշգրտությամբ այն չի զիջում տարածված ՊՌՇ մեթոդի վրա հիմնված թեստային համակարգերին։