Ռուսաստանում մեկ օրում գրանցվել է վարակի 8 246 նոր դեպք

Վերջին մեկ օրում Ռուսաստանի 83 շրջանում գրանցվել է կորոնավիրուսով վարակվածության 8 246 նոր դեպք (+1.6%), ընդհանուր դեպքերի թիվը ներկա պահին կազմում է 537 210 մարդ։ Նախօրեին ապաքինվել և դուրս է գրվել 4 489 հիվանդ, ընդհանուր՝ 284 539։ Նախօրեին մահացել է 143 մարդ, ընդհանուր՝ 7 091 պացիենտ։ Վարակվածների ամենամեծ թիվը գրանցվել է Մոսկվայում՝ 1 359 մարդ, որոնց 40,8%-ը՝ 18-ից 45 տարեկան են: Մերձմոսկվայում՝ 689, Սանկտ Պետերբուրգում՝ 252, Սվերդլովսկի շրջանում՝ 233, Վորոնեժի մարզում՝ 228, Նիժնի Նովգորոդի մարզում՝ 209: