Երևան`   +11 °C
Այսօր`   Երեքշաբթի, 17 նոյեմբերի, 2026 թ.

«Որոշ մարդիկ որոշել էին ալկոգելի անվան տակ վաճառել ոչ ալկոգել՝ բարձր գնով». ՏՄՊՊՀ նախագահ

609
Երեքշաբթի, 17 մարտի, 2020 թ., 14:05
«Որոշ մարդիկ որոշել էին ալկոգելի անվան տակ վաճառել ոչ ալկոգել՝ բարձր գնով». ՏՄՊՊՀ նախագահ

«Մենք չենք բացառում՝ կգտնվեն տնտեսվարողներ, որոնք գները մի փոքր կբարձրացնեն, բայց մենք վերահսկում ենք հիմնականում խոշոր խաղացողներին, որոնք ապահովում են հանրապետության սպառման ծավալի գերակշիռ մասը: Բոլորի խախտումների հետ կապված նյութերը հավաքվում են մեզ մոտ, և բոլորը պատասխանատվության են ենթարկվելու»,- մարտի 17-ին տեղի ունեցած ասուլիսում հայտարարեց ՏՄՊՊՀ նախագահ Գեղամ Գևորգյանը:
Ըստ նրա՝ արդեն 2 վարույթ է հարուցվել ալկոգելերի հետ կապված:
«Որոշ մարդիկ որոշել էին ալկոգելի անվան տակ վաճառել ոչ ալկոգել՝ բարձր գնով»,- հայտնեց Գ. Գևորգյանը:

Նա նշեց, որ ալկոգել արտադրողների հետ մշտական կապի մեջ են, նրանց կողմից գների բարձրացում չի եղել: Ինչ վերբերում է դիմակներին, ապա այստեղ գնաճ եղել է ոչ միայն ՀՀ-ում, այլև՝ ամբողջ աշխարհում: ՏՄՊՊՀ-ն վերահսկել է, որ էժան գնով ձեռքբերվածները թանկ գնով չվաճառվեն: Հիմա Առողջապահության նախարարության հետ անմիջական կապի մեջ են դրանք առաջին ձեռքից գնելու համար, և 84 դրամով մեծածախի առաջարկ կա:
Անդրադառնալով սննդամթերքի պաշարներին ու դրանց գների բարձրացմանը, պաշտոնյան նշեց, որ աբսուրդային քանակի գնումներ են կատարում քաղաքացիները, այն դեպքում, երբ դրա անհրաժեշտությունը չկա: Առաջին անհրաժեշտության ապրանքների՝ ձեթ, այլյուր, կարագ, շաքարավազ, պանիր, թթվասեր և այլնի պակաս չկա, պնդեց ՏՄՊՊՀ նախագահը:

Որոշակի բարձրացում եղել է ալյուրի պարագայում, որը կապված է դրամ-դոլար տատանումներով:
ՏՄՊՊՀ-ն վարույթ է հարուցել նաև բենզինի մասով: Ռեգուլյար տեսակինը մանրածախ 390 դրամ է: Ըստ Գ. Գևորգյանի՝ նավթի գնի տատանումները կարող են 3 տոկոս գնային տարբերություն առաջացնել: Սակայն շուտով բենզինի գինը կնվազի: