«Թափառող կենդանիների քանակը նվազեցնելու համար պետք է աղբահանության նոր քաղաքականություն իրականացնել». Հրաչիկ Միրզոյան

Քիմիկոս Հրաչիկ Միրզոյանը ֆեյսբուքյան իր էջում գրել է. «ԻՆՉՊԵ՞Ս ՎԱՐՎԵԼ ԹԱՓԱՌՈՂ ՇՆԵՐԻ ՀԵՏ
Վերջերս շատ է խոսվում թափառող շների ագրեսիվության, մարդկանց վրա հարձակվելու դեպքերի մասին:
Բնապահպանները զգուշացնում են-թափառող շների քանակը պետք է վերահսկելի լինի քաղաքում: Շները քաղաքային միջավայրի բնական բաղադրիչն են: Նրանց վերացումը առաջ է բերելու ավելի բարդ բնապահպանական իրավիճակ: Թափառող շների քանակը և ագրեսիվությունը նվազեցնելու ճանապարհը նրանց ստերջացնելն է: Թափառող շներին արմատական վերացնելու ճիշտ ճանապարհը հետևյալն է-աղբի մեջ սննդամթերք մի նետեք... Թափառող կենդանիների քանակը նվազեցնելու համար պետք է աղբահանության նոր քաղաքականություն իրականացնել»: