Երևան`   +5 °C
Այսօր`   Ուրբաթ, 29 մարտի, 2024 թ.

Տիեզերական աղբն սպառնալիք է Մասկի և Բեզոսի նախագծերի համար․ #Bloomberg

1778
Կիրակի, 05 հունվարի, 2020 թ., 04:10
Տիեզերական աղբն սպառնալիք է Մասկի և Բեզոսի նախագծերի համար․ #Bloomberg

1957-ին Խորհրդային Միությունը գործարկեց Երկիր մոլորակի առաջին արհեստական արբանյակը, իսկ այսօր մեր մոլորակի ուղեծրում կա գրեթե 5 հազար արբանյակ: Այնուամենայնիվ, հայտնի է արբանյակային բախումների միայն մեկ դեպք՝ 2008-ին Iridium 33-ը բախվեց Cosmos-2251-ին՝ Սիբիրի տարածքի վրա, մոտ 500 մղոն (789 կմ) բարձրության վրա:
Առաջիկա տարիներին ծրագրված են տասնյակ հազարավոր նոր ծրագրեր, որոնք պետք է իրականացնեն միլիարդատերեր Իլոն Մասկը, Ջեֆ Բեզոսը և Ռիչարդ Բրենսոնը, ով աշխատում է արբանյակային ինտերնետի մշակման վրա, և նրանց նախագծերում կներգրավվեն հսկայական արբանյակային համակարգեր, ինչը զգալիորեն կբարձրացնի նոր պատահարների վտանգը: Տիեզերական աղբը իրենից ներկայացնում է հին հրթիռների մասեր, չհաջողված մեկնարկով ապարատներ և դրանց մասեր, որոնք մի քանի տասնամյակի ընթացքում կարող են սպառնալիք դառնալ:

Ըստ ԱՄՆ-ի ռազմաօդային ուժերի՝ մեր մոլորակի շուրջ կա 20 հազարից ավելի նման օբյեկտներ, և դրանց թիվը արագորեն աճում է: Ըստ ապահովագրական ընկերությունների, 20 տարի առաջ արբանյակային բախումների ռիսկը կազմում էր 1-ը՝ 1 մլն-ի, իսկ այսօր այն կազմում է 1-ը՝ 10 հազարի: ԱՄՆ-ի ռազմարդյունաբերական կորպորացիայի բրիտանական մասնաճյուղի ղեկավար Նիք Սմիթը կարծում է, որ առանց խստացնելու տիեզերական արդյունաբերության օրինական կարգավորմանը, «տարածության մեջ ներդրումներն առաջիկայում կդառնան շատ ռիսկային և կասկածելի գաղափար»:

Այժմ պարզապես հստակ կանոններ գոյություն չունեն։ Օպերատորները կարող են ընտրել ցանկացած արբանյակային ուղեծիր, եթե իրենց հսկիչ սարքերի ռադիո ազդանշանները չեն խանգարում այլ արբանյակներին: Նրանց շարժումները վերահսկող հատուկ կենտրոն չկա: Նոր բախումների վտանգը ստիպեց օպերատորներին մտածել սեփական տիեզերանավի ապահովագրության և մոնիտորինգի համակարգերի գնման մասին: Ընկերությունները նաև որոշում են կայացրել մշակել տիեզերական աղբի հավաքման և հեռացման սարքեր: Փաստաբան Սաիդ Մոստեշարը, մասնագիտանալով միջազգային տիեզերական իրավունքի ոլորտում, կարծում է, որ տիեզերական արդյունաբերության բոլոր ներկայացուցիչները պետք է շահագրգռված լինեն խնդրի լուծմամբ: