Երևան`   +9 °C
Այսօր`   Կիրակի, 22 նոյեմբերի, 2026 թ.

Լիբիան ռազմական օգնություն է խնդրել Թուրքիայից

1924
Ուրբաթ, 27 դեկտեմբերի, 2019 թ., 11:30
Լիբիան ռազմական օգնություն է խնդրել Թուրքիայից

Լիբիայի կարգավորման հարցով շփման խմբի ռուսական կողմի ղեկավար Լև Դենգովը ՏԱՍՍ-ի հետ զրույցում հաստատել է, որ Լիբիայի ազգային համաձայնության կառավարությունը պաշտոնապես ռազմական օգնություն է խնդրել Թուրքիայից:

Ավելի վաղ Ռոյթեր գործակալությունը, հղում անելով Տրիպոլիի աղբյուրներին, հաղորդել էր, որ Լիբիան պաշտոնապես ռազմական օգնություն է խնդրել Թուրքիայից: Խոսքն «օդային, ցամաքային և ծովային» ռազմական օժանդակության մասին է՝ երկրի արևելյան հատվածում Տրիպոլիում իշխանությունների կողմից հարձակումը կասեցնելու համար: Նախօրեին Թուրքիայի նախագահ Թայիփ Էրդողանը հայտարարել էր, որ հունվարին մտադիր է երկրի խորհրդարան ներկայացնել Լիբիայում թուրքական զինված ուժեր ուղարկելու մասին հարցը։

Մարշալ Խալիֆա Հաֆթարը, համագործակցելով Արևելյան Լիբիայի իշխանությունների հետ, դեկտեմբերի 12-ին հայտարարել է վճռական պատերազմի և զորքերի առաջխաղացման մասին Տրիպոլիում, որը մինչ այժմ վերահսկվում է միջազգայնորեն ճանաչված Ազգային համաձայնության կառավարության ուժերի կողմից՝ Ֆայեզ Սարաջի գլխավորությամբ: Լիբիայի ԶԼՄ-ները հայտնում են, որ Լիբիայի մայրաքաղաքի ծայրամասում «Հաֆթարի» և մյուս ուժերի միջև բախումներ են տեղի ունենում։ Տրիպոլիի վրա հարձակումները սկսվել են այս տարվա ապրիլին, սակայն Լիբիայի ազգային բանակը չի կարողացել հասնել լուրջ հաջողությունների։

2011-ին Լիբիայի առաջնորդ Մուամար Քադաֆիի մահից հետո Լիբիան գործնականում դադարեց գործել որպես մեկ պետություն: Այժմ երկրում տիրում է երկիշխանություն։