Մարս մոլորակի վրա միջատներ են հայտնաբերել

ԱՄՆ Օհայո նահանգի համալսարանի միջատաբան Ուիլյամ Ռոմոզերը պնդում է, որ Curiosity մարսագնացի կողմից արված լուսանկարներում, նրան հաջողվել է միջատների հետքեր հայտնաբերել, որոնք նման են Երկիր մոլորակի միջատներին, գրում է Science Alert-ը:

Ռոմոզերը, ով ուշադիր ուսումնասիրել է լուսանկարները, նշում է, որ մարսյան միջատներն ունեն թևեր, պատյաններ ու բեղիկներ։ Նա պնդում է, որ լուսանկարում պատկերված միջատներն այն դիրքում են, որոնք բնութագրում են շարժվող ու թռչող միջատներին։

Ըստ միջատաբանի՝ նրա սենսացիոն հայտնագործությունը կարող է հանգեցնել հետագա հետազոտությունների և եզրակացության, որ Մարսի վրա կյանք գոյություն ունի։