Երևան`   +20 °C
Այսօր`   Երկուշաբթի, 14 սեպտեմբերի, 2026 թ.

«Հարցերի հարցը՝ ինչո՞ւ է փակ այս քննարկումը». Թեհմինե Ենոքյան

710
Կիրակի, 17 նոյեմբերի, 2019 թ., 15:55
«Հարցերի հարցը՝ ինչո՞ւ է փակ այս քննարկումը». Թեհմինե Ենոքյան

Լրագրող, բնապահպան ակտիվիստ Թեհմինե Ենոքյանը ֆեյսբուքյան իր էջում գրել է. «Ջերմուկում այս պահին Ամուլսարի խնդրի շուրջ քննարկում է ընթանում, որին ներկա են Գայանե Աբրահամյանը, Մարիա Կարապետյանը, Միքայել Զոլյանը, Մերի Գալստյանը, նախարար Էրիկ Գրիգորյանը, մնացածին չեմ ճանաչում։
Հանդիպումը փակ է լուսաբանման համար։ Արդեն տևական ժամանակ է, ինչ տեղացիներին համոզում են, որ Ամուլսար տանող ճանապարհները բացեն։
Հիշեցնեմ, որ Ամուլսարի խնդրով հարուցված քրեական գործը տապալվեց, Իվանյան-Գրիգորյան քննիչ և նախկին ԲՆ նախարարի ազգակցական կապի բացահայտման պատճառով։ Ավելին, ապօրինի ընդերքօգտոգարոծման փաստի առիթով հարուցված քրեական գործից էլ ոչ մի նորություն չկա։

«ԷԼԱՐԴՆ» էլ բազմաթիվ թերություններ բացահայտեց և տեսակոնֆերանսով ներկայացրեց։ Բայց ո՛չ ուրանի պաշարների մասին տեղեկատվությունը հիմք դարձավ, ո՛չ «ԷԼԱՐԴ»-ի բացահայտումները, ո՛չ էլ նախարարության 13 կետից բաղկացած գրությունը։
Հիմա հարցերի հարցը՝ ինչո՞ւ է փակ այս քննարկումը. ո՛չ նախապես հայտարարվել է, ո՛չ էլ այս պահին թույլ են տալիս հեռարձակել»։