Երևան`   +5 °C
Այսօր`   Հինգշաբթի, 14 նոյեմբերի, 2019 թ.

Էրդողանը խոստացել է Թրամփին վերադարձնել նրա սկանդալային նամակը

554
Շաբաթ, 09 նոյեմբերի, 2019 թ., 13:30
Էրդողանը խոստացել է Թրամփին վերադարձնել նրա սկանդալային նամակը

Թուրքիայի նախագահ Ռեջեփ Թայիփ Էրդողանը հայտարարել է, որ մտադիր է ԱՄՆ նախագահ Դոնալդ Թրամփին անձամբ վերադարձնել «հիմար չլինելու» կոչով իր նամակը։ Այդ մասին նոյեմբերի 8-ին լրագրողներին հայտնել է Էրդողանը՝ սեփական ինքնաթիռում: Նրա խոսքերը մեջբերում է թուրքական NTV-ն:
«Մենք ավելի վաղ պարոն Թրամփին տեղեկացրել էինք, որ Ֆերհաթ Աբդի Շահին անունով ահաբեկիչը, որը հայտնի է նաև որպես Մազլյում Քոբանի, Քրդստանի աշխատավորական կուսակցության ղեկավարներից մեկն է: Թրամփի հետ հեռախոսազրույցի ժամանակ, մենք նրան ասացինք, որ դատապարտում ենք նրա շփումները նման անձնավորության հետ: Իսկ այդ հայտնի նամակը մեզ մոտ է, ես այն անձամբ կհանձնեմ Թրամփին»,- հայտարարել է Էրդողանը։