Տոկիոն և Փարիզն Իրանին կառաջարկեն 18 միլիարդ դոլար վարկ` միջուկային գործարքն անփոփոխ թողնելու համար

Տոկիոն ու Փարիզն Իրանին կտրամադրեն 18 միլիարդ դոլար վարկ՝ բնակչության համար պարենային ապրանքներ ու դեղորայք ձեռք բերելու համար, գրում է Mainichi թերթը։ Նշվում է նաև, որ վարկը կտրամադրվի Թեհրանին Իրանի միջուկային գործարքի անփոփոխ թողնելու դիմաց, իսկ վարկի երաշխիքը կհանդիսանա նավթը։ Այսպիսով, Ճապոնիան միանում է Ֆրանսիայի նախաձեռնությանը, որն ավելի վաղ Իրանին առաջարկել էր 15 միլիարդ դոլար՝ միջուկային գործարքի վերաբերյալ գործողությունների համատեղ ծրագրին վերադառնալու համար: Իրանը հրաժարվել էր և պահանջել ավելացնել վարկի գումարը՝ ավելի խստագույն պատժամիջոցների կորուստները նվազագույնի հասցնելու համար: