«Ֆինլանդիային հաղթելը հավասարազոր ա լինելու հրաշքի». Հակոբ Բադալյան

Քաղաքական մեկնաբան Հակոբ Բադալյանը ֆեյսբուքյան իր էջում գրել է. «Ֆինլանդիային էսօր հաղթելը հավասարազոր ա լինելու հրաշքի, մի շարք պատճառներով: Ֆուտբոլում, իհարկե, լինում են էդ կարգի հրաշքներ: Կլինի՞ էսօր: Հուսանք ու սպասենք: Բայց, եթե չլինի, էս ա մեր հավաքականը, էսօր ավելիին ունակ չի, եթե չասենք, որ արդեն իսկ արել ա իր ավելին: Բայց, մենք պետք ա խոսանք էդ մասին, «հաղթանակներից հետո կենաց, պարտություններից հետո անեծք» բանաձևը ոչ մի տեղ չտանող ա: Ու էստեղ մեր ֆուտբոլի զարգացման համար կարևորագույն գործոններից մեկի հարցն ա՝ ֆուտբոլային բարձրակարգ մասնագիտական և անգամ ինտելեկտուալ քննարկումներ, որտեղ կխոսվի խնդիրների մասին: Եվ մեզ ոչ միայն խաղադաշտեր են պետք, մեզ պետք են ֆուտբոլի ինտելեկտուալացման հարթակներ, որովհետև ժամանակակից ֆուտբոլի հաջողության կարևոր հիմնասյուներից մեկն էլ մտածողությունն ա»: