ՀՖՖ-ն հայտարարություն է տարածել

Հայաստանի ֆուտբոլի ֆեդերացիան հանդես է եկել հայտարարությամբ. «Շնորհակալություն ենք հայտնում Եվրոպայի տարբեր քաղաքներից և, իհարկե, Հայաստանից Լիխտենշտեյն ժամանած բոլոր երկրպագուներին:

Ցավում ենք, որ չարդարացրեցինք ձեր սպասելիքները: Կփորձենք վերադառնալ ավելի ուժեղ»:

Հիշեցնենք, որ Եվրո-2020-ի ընտրական փուլի 7-րդ տուրում Հայաստանի հավաքականը հյուրընկալվելիս ոչ-ոքի՝ 1-1 հաշվով խաղաց Լիխտենշտեյնի ընտրանու հետ: Մեր հավաքականի կազմում 19-րդ րոպեին գոլի հեղինակ դարձավ Տիգրան Բարսեղյանը: