Մեկնարկում է Անդրանիկ Հարոյանի հուշամրցաշարը

Սեպտեմբերի 28-ին և 29-ին Երևանի նախկին «Միկա» մարզադահլիճում կկայանա ՀՀ վաստակավոր մարզիչ Անդրանիկ Հարոյանի անվան երրորդ հուշամրցաշարը, որին մասնակցում են Հայաստանի և Վրաստանի մինչև 23 տարեկան 70 ազատ ոճային ըմբիշ։

Սեպտեմբերի 28-ին կկայանան նախնական գոտեմարտերը։ Մեկնարկը՝ ժամը 10։30-ին է։ Սեպտեմբերի 29-ին, ժամը 12։00 կկայանա մրցաշարի բացման արարողությունը, որից անմիջապես հետո կմեկնարկեն եզրափակիչները։