«Ռիսկի դիմել չէր կարելի»․ Փաշիկ Ալավերդյան

Թաիլանդի Պատտայա քաղաքում ընթանում է ծանրամարտի աշխարհի առաջնության շրջանակներում րոպեներ առաջ Հայաստանը ներկայացնող Սիմոն Մարտիրոսյանը հռչակվեց աշխարհի չեմպիոն։ Հայաստանի ծանրամարտի ֆեդերացիայի գլխավոր քարտուղար, տղամարդկանց հավաքականի գլխավոր մարզիչ Փաշիկ Ալավերդյանն ամփոփեց Սիմոնի մրցելույթը․ «Շնորհավորում եմ բոլորիս և առանձնահատուկ Սիմոնի անձնական մարզիչ Աշոտ Փիլոսյանին: Կեցցե՛ս, Աշոտ ջան: Շնորհակալ եմ կատարածդ աշխատանքի համար: Շնորհավորում եմ բոլոր այն մարդկանց, ովքեր ցավում են հայկական ծանրամարտի համար: Հույս ունեմ, որ վաղը նույնպես մեր դրոշը կծածանվի այստեղ: Այսօր Սիմոնը պատրաստ չէր հրման ռեկորդին: Ռիսկի դիմել չէր կարելի: Եթե նա հանկարծ վնասվածք ստանար, ո՛չ ես ինձ կներեի, ո՛չ էլ ինչ-որ մեկը: Ամեն դեպքում, մեկ ռեկորդ կա, ամեն ինչ կարգին է»։