Հայ շախմատիստները Նոնա Գափրինդաշվիլու գավաթի խաղարկության առաջատարն են

Վրաստանի մայրաքաղաք Թբիլիսիում մեկնարկել է Նոնա Գափրինդաշվիլու գավաթի խաղարկությունը, որի շրջանակներում անցկացվում են 3 մրցաշարեր:

Գլխավոր A մրցաշարին մասնակցում են Հայաստանի 12 պատվիրակ: Մասնակիցների թվում են գրոսմայստերներ Տիգրան Հարությունյանը, Արման Միքայելյանը, Հովիկ Հայրապետյանը և Հայաստանի կանանց հավաքականի անդամներ կանանց միջազգային վարպետներ Սիրանուշ Ղուկասյանը և Աննա Սարգսյանը: Երեկ տեղի ունեցավ մրցաշարի 5-րդ տուրը:
A մրցաշարում աղյուսակը միանձնյա գլխավորում է 4.5 միավոր վաստակած Հովիկ Հայրապետյանը:
B մրցաշարում առաջատարներն են 4.5-ական միավոր վաստակած Էդուարդ Սայադյանը և Արշակ Մելքոնյանը:
C խմբում Միքայել Սարգսյանը վաստակել է 4.5 միավոր և 3 այլ շախմատիստի հետ միասին գլխավորում է աղյուսակը: