Տաթև Հակոբյանը գրավեց 10-րդ տեղը

284

Չորեքշաբթի, 25 սեպտեմբերի, 2019 թ., 16:50

Թաիլանդի Պատտայա քաղաքում ընթանում է ծանրամարտի աշխարհի առաջնությունը, որին մասնակցում են նաև հայ ծանրորդները։ Ոչ օլիմպիական քաշային կարգում Հայաստանը ներկայացնող 81 կգ քաշային Տաթև Հակոբյանը, պոկելով 105 կգ և հրելով 121 կգ, երկամարտում գրանցեց 226 կգ արդյունք և զբաղեցրեց 10-րդ տեղը։

Աշխարհի չեմպիոն հռչակվեց Կոլումբիան ներկայացնող Լեյդի Սոլիսը՝ երկամարտի 247 կգ արդյունքով։ Արծաթե մեդալ նվաճեց Իսպանիայի ներկայացուցիչ Լիդիա Վալենտինը՝ երկամարտի 246 կգ արդյունքով, իսկ բրոնզե մեդալը բաժին հասավ ԱՄՆ-ն ներկայացնող Ջենի Արթուրին՝ երկամարտի 245 կգ արդյունքով։