Հակոբ Մկրտչյանը հռչակվեց աշխարհի չեմպիոն

Թաիլանդի Պատտայա քաղաքում ընթանում է ծանրամարտի աշխարհի առաջնությունը, որին մասնակցում են նաև հայ ծանրորդները։ Այսօր պայքարի մեջ մտած 89 կգ քաշային կարգում Հայաստանը ներկայացնող Հակոբ Մկրտչյանը հռչակվեց աշխարհի չեմպիոն։ Նա, պոկելով 167 կգ և հրելով 208 կգ, երկամարտում գրանցեց 375 կգ արդյունք։

Այս քաշային կարգում Հայաստանի մյուս ներկայացուցիչ Դավիթ Հովհաննիսյանը, պոկելով 160 կգ և հրելով 195 կգ, երկամարտի 355 կգ արդյունքով զբաղեցրեց 12-րդ տեղը։