Երևան`   +9 °C
Այսօր`   Կիրակի, 22 նոյեմբերի, 2026 թ.

Սենցովին՝ Վիշինսկու փոխարեն․ ինչպե՞ս է ընթանում բանտարկյալների փոխանակումը

804
Ուրբաթ, 30 օգոստոսի, 2019 թ., 12:10
Սենցովին՝ Վիշինսկու փոխարեն․ ինչպե՞ս է ընթանում բանտարկյալների փոխանակումը

Ուկրաինայի և Ռուսաստանի միջև այսօր սկսվել է բանտարկյալների փոխանակման գործընթացը: Հաղորդվում է, որ 28 ուկրաինացի հատուկ թռիչքով արդեն դուրս են եկել Մոսկվայից, այդ թվում՝ ուկրաինացի ռեժիսոր Օլեգ Սենցովը: Միևնույն ժամանակ, Ուկրաինայի նախագահի գրասենյակը պնդում է, որ բանակցային գործընթացը դեռ ավարտված չէ:
Հիշեցնենք՝ Ուկրաինայի նախագահի աշխատակազմը Ռուսաստանի իշխանություններին առաջարկել էր միաժամանակ ազատ արձակել Ռուսաստանում ազատազրկման դատապարտված ազգությամբ ուկրաինացի ռեժիսոր Օլեգ Սենցովին և Կիևում ձերբակալված РИА Новости Украина-ի ղեկավար Կիրիլ Վիշինսկուն: Այս մասին ավելի վաղ ֆեյսբուքյան իր էջում գրել էր Ուկրաինայի նախագահի խոսնակ Յուլիա Մենդալը:
Այս քայլով Կիևը պատասխանում է ՌԴ նախագահի խոսնակ Դմիտրի Պեսկովի առաջարկությանը՝ որպես երկրների միջև հարաբերությունների բարելավման առաջին քայլ ազատ արձակել Կիրիլ Վիշինսկուն: РИА Новости Украина-ի ղեկավարը ձերբակալվել է 2018 թվականի մայիսին: Ուկրաինայի իրավապահները նրան մեղադրում են դավաճանության մեջ: