Ռոնալդուն կատակով ցատկել է ոստիկանի գիրկը

«Յուվենթուս»-ի հարձակվող Կրիշտիանու Ռոնալդուն ցատկել է ոստիկանի գիրկն, երբ վերջինը խաղադաշտից փորձել է հեռացնել երկրպագուին։ Տեսանյութը Twitter-ում տեղադրել է լրագրող Թանկրեդի Պալիրերին: Մարզումների ընթացքում ֆուտբոլիստի երկրպագուներից մեկը դուրս է եկել խաղադաշտ, իսկ ոստիկանության աշխատակիցների մի ամբողջ խումբ ընկել է նրա ետևից։ Իրավապահներին հաջողվել է բռնել երկրպագուին, սակայն Կրիշտիանու Ռոնալդուն կատակով ցատկել է ոստիկաններից մեկի գիրկը։
Այժմ «Յուվենթուս»-ը մասնակցում է Սինգապուրում կայանալիք Չեմպիոնների միջազգային գավաթի մրցաշարին։